Amanat Adat SaiBatin

Jama kham Minak Muakhi,
Hukhik jo , mesti awas khik pestiti..
Nyin kham Jajama Mehandop,
Kidang Lain berarti Kehandopan..
Kham Hukhik di Bah ni Alam jo,hukhik di Masyakat Adat, hukhik di lingkungan Adat.Negak ko Adat ngejaga Adat nyin kham jo jadi Ummad Manusia sai Ber Adab…
Kham jo Jamma Adat..
Kham jo Penjaga Adat.
Kham jo Pelestarii Adat
Ngejaga Pimpinan Adat..
Ngejaga Simbul Simbul Adat.
Setia Jama Pimpinan Adat
Dalam Hal Ini Yaddo Sai Batin..
Baik Sai Batin Paksi atau Sai Batin Marga ..
Jadi kham Harus Pandai di Adat,ngekhatti di Adat
Pandai Di Jujjokhan Adat
Pandai di Hejongan,
Pandai Asal Usul
Khik ngeduduk Ko Adat sesuai di Hejongan masing Masing
Dang Bacakh Sembakhana di Adat,,
Kik Hana Sai SUKAU dang SEGABOKH…
Mana Kik Lain Kham Sai Negak ko na, Ngejaga na,ngebalak ko na ,
sapa lagi kidah
MAK KHAM SAPA LAGI..
Ngeduduk ko Adat jo,,yaddo Makai Alat Pegang Pakai ,Khukun Pekhatti sai sesuai di hejongan na Masing2 ..
Penerapan khik Tata Titi
Adat sai menjadi Tolak Ukur na, kunci na yaddo Pakai Hati.Pakai Khasa…
Khasa Liom, sekhatta khasa Halok Ganggu…
Bu Fi,il…
Fiil Pesenggikhi do khati na Meliom..meganggu,mekhugui,Mekhabai,mesikhi
Hinno Fi,il Gekhal na…
ingok cekhita lappung tumbai
Ubat na betoh ya mengan , Ubat na kedugok ya pedom kidang sai tisangsat ubat LIOM adalah MATI ..
Jadi LIOM so api ubat na yaddo MATI,,MUPPOS..
Muppos Nggalan…
Kham Jadi Jamma jo dang jjadi Jamma bugu,dang Jadi Jamma Naninguh , dan mak Buadat mak ngekhatti Adat ,
kidang tekhok khik Mikhak jadi saibatin , kebubus busa jak banguk haga nutupi pelanggaran, kelauan di adat sai ti pakai palas bebuhungan tegakh.. penyana na khuppok mebugu dalih mak pandai,
Ya ti Gagesi ni cek khuppok.nitanya khuppok . bang nyunyin na bebuhungan tegakh .. nah jamma mekhakhajjo gekhal na jamma KHUMAS ,khik mak WARAS. mana ya mak pandai Mak Sadar khuppok Nateppaii, Telegai Lalang Hatang,palas Ngeyayuh Jak Kudan..
Mana ni Hahunjai ko khuppok ni Gagalang khuppok ni Papusau khuppok BUMBONG na ni Pa puji khuppok ..
ni Oke oke ko khuppok,ni sasiop ko khuppok Sai ikah hinno hinno do Jamma na,sang Kebot hinno do,
Mak ni hakhi kona CABBUS nyani Kelioman na Minak Muakhi,dan Meliom Nggalan…
Ukhusan adat jo lain soal kata berjawab , dayung Bersambut , lain soal Debat dalih diskusi… hinno silahko gawoh di Bakku sekula di Publik,di Kampus,,Ngawak Balak mak Api api..
Adat jo Alat Pegang Pakai Khukun Pekhatti Sai Jadi Caccanan di lom Adat, dan berlaku turun temurun… terutama adat Sai Batin
Mulai jak ILIS KHALIS Duduk na dzuriyat , laju jujjokh, nattuko adok dan adok no nitutuk Tutukh,,
penghianat katak hendak jadi lembu atau kalang tekhok kehennak selalu ada setiap zaman kidang mana DU’A tuyuk tukhing sai istiqomah lom akhlaq dan agama maka nyunyin penghianat , nyunyin pendongkel.. jamma mak ngedok kesetiaan , mana ngandalko harta , pakkat dalih kekuasaan sekhatta BEBUHUNGAN BALAK,
kadang masih dizaman hinno tiyan tebuccal , tulah, begenagakh, bemasalah dan selalu patah ditengah nyunyin ukhusan … mana tiyan mak pekhcaya umanat sakti jak tuyuk tukhing kham para waliyullah penyebar agama …
Khasa Liom,khasa Ganggu,khabai tulah..
Hinno lah gekhal na Bu Fiil so.. pessenggikhi jo adalah jamma sai wat liom.. kik mak ngedok liom dan ngukkong ngaku aku.. nyani sani.. ngarang karang.. ngekhawot ngekhattut,pu igau igau khappa cakha nyepok alasan BUHUNGAN atau nyepok dan ngupah pengikut nyin meng amini tikkah laku sekhatta kekarangan na ya hinno lah jamma sai tisebut MAWAT BU FI’IL PESSENGGIKHI so….
Jamma bu fi’il
adalah jamma sai bangga dalih ngekhegai JENGANAN NA .. asal usul silsilah asli na … ngekhegai salui mandi na .. makai duduk dalih Hejongan na .. mana hinno lah titisan ilis asal usul na sai wat pakem dalih tata titi sai mesti nijaga na …
jamma sai wat pessenggikhi adalah jamma sai wat liom.. lain jamma sai mak ngedok liom nyepok sekhibu alasan mana haga ngukkong ninggong dalih bakkilan tatilu Badak ngebila dikhi na sai salah… tegak di pondasi pasikh , nyani istana pasikh sai nipertahan kon na seolah istana beton… hinno
lai jamma mak bu fi’il pessenggikhi …
jamma bu fi’il ya uwat Khasa liom khik Khasa Ganggu kik makai Ketupung Adat sai lain pakaian na…
Khasa liom khik Ganggu kik Makai Kawai Adat sai lain di Pakaian di Hejongan na di Lom Adat..
Khasa Liom khik ganggu makai Sinjang Serong Gantung kiri atau
akik na kuk kanan juga mawat ..
jamma sai buppesenggikhi mak kuwawa makai serong gattung kanan mana Lain Hejongan na…, mana hak na adalah sarung gattung
Khasa liom ti tudungi kik mak ngedok hejongan di Adat..dalih hejjongan no adalah hejjongan sai benokh .. lain akkat namo nyesesani appai munih . kuk payung appai mesan .. kik bupessenggikhi.. mak kuwawa .. mana ya betengkhassai dan ngekhegai khuppok bakhih bahwa khuppok bakhih jo mesti pandai jujjokh dududk na kham
Di adat.. mak hak khuppok nemon ko uyinyin alasan apilagi nyesesani… mudah nihhan tanno khuppok setanyaan dalih sepandayan mana masing masing wat khik. puakhi, indai . kacca … dan lamon sai bakhih na
Khasa liom meganggu bang makai makai serong kiri ni Paksi pak .. mana serong kiri no mesti resmi jak pak hanya terhadap yg diakui sbg pemegang wilayah adat dalam tingkatan hanya TINGKATAN MAKHGA .. keatas .. jadi haga kelalangan kik di Sekala brak wat sai makai serong gattung kiri di luar paksi pak dan marga lliwa keturunan khalis na Pangeran indrapati cakranegara , khatti na mak ngasi nyesesani makai serong kiri kik mak pandai makna dalih phylosofis na dan peruntukan na ..
diluakh sekala bkhak sai dapok sering kiri jo adalah saibatin marga Tenumbang, sai batin marga pugung malaya , saibatin marga belimbing , sai batin marga bandung agung .. dan sai batin lima marga way handak lampung selatan..
di tanggamus gawoh mak ngedok … jadi renungan sai nyesesani makai serong gattung kikhi mana pak turut lima ikut kidang mak ngekhatti api api.. hehakhi ni ucakko khuppok babbu
Khasa liom khik Ganggu,
Masang ko Dandanan khukun kelambu di lamban na sai mak ngedok jujjokh na, atau kippak wat jujjokh kidang wat penanda di pikha taka dandanan dan pikha hitungan sai dapok titandok atau tikebakh mana hitungan jo nattu ko . dang sappai hana khuppok , minak lain , khadin lain , Batin juga ya lain , khaja temenggung Lain munih
api lagi kik Sai Batin ya jauuuh tangihhhh..
kamma bu Fi’il pessenggikhi .. ya Meliom khik Meganggu kik nyani Lamban Adat..lain mana ulih na dapok.. kidang liom nikicik ko khuppok …
meliom kik Nyani Lamban balak Gedung, tikeni merk na Gedung munih . kidang lain Pimpinan Adat,.
dang sappai jadi kelalangan khuppok di kudan mana kik sesiop
khuppok kanah …api bang , api bang ..kuk Batin Ya Lain api lagi Khaja ,
dang sappai ngekhawot ngekhattut nyani sani pengikhan …
metamat … jadi
ya mawat , cahan semanjang zaman jadi kici’an
Khasa liom khik ganggu makai Adok Tengudok,tenghalu, ngakuk induh jaak ipa , nyawit jak ipa ..
Makai gelar adok ulih jak Khelaya,Makai Adok Tengeni induh ku Jegud jegud na Sai Ngeni…
Hak Riang….kehandopan khik Kebenya..
Ngehodeng kimut salah.
Kipak adok Khadin kik hinno sai Resmi,ya hinno lah sai ti pakai…hinno kehormatan lom duduk dalih maqom
na …wat khega …mana bekhegga . sekhatta dapok sekhega’an
Hinno lah sai jadi Ke Banggan di lom Adat…..
dang ngerasa rendah makai adok Minak atau Kimas, mana kham Cakak Mubil Pajerok khik khik cakak Sidan Bu Mata Kaca
Ngehodeng.,
Sesabaian Sang Lamban…
Jadi Lengkedoh na , muara na..Nappak na
Sahinggo ya nyasani lom Adat makai Alat Pegang Pakai di Adat , kidang lain Hejongan na,di lom Adat ,,
jamma hinno dapok Tetlu Badak dapok ti ucak ko Mak Waras,Behaban,
Lebon Halok Ganggu na..
Lebon Urat Malu.
Jadi Bacak Bubat atau Konsul mit Bidan..Atau
Belangekh,nyuccoh .atau
Bedukun, atau mit Kurungan nyawa,nyin Bubat , nyin Munyai…
Al Kisah nyata..Saksi hidup..
Di Unggk tumbai.
Di Liwa….
Tiap Pekan Senin ya Makai Kawai bu pakkat Pelisi..Sepatu Pelisi, Serigo,
Makai Peluit…
Pritttt..pritttt. priittt nyebu peluit
Injuk pelisi…mana ngandih ko Massa Sesuduk massa khukuk Sang Batang,khik tekhok nyin ni Segani Khuppok…
Naaaaaaa…..
Hinno lah mana ya Mak Waras,Mak Latap so..
Babbu…
Kidang Yaddo…
Mungkin juga mana kekhisoan nyetel Casette lagu, khik nengis lagu na
Djoni Iskandar.
Sai Judul na.
JUDUL JUDULAN…
Neng Ayo Neng
Akhir na ngehayal
Nyani sani munih
Sultan sultanan.
Khaja khajaan
gedung gedungan
Lamban lambanan
Tudung tudungan
Pangeranan..pangeranan
Adok adokan….
Karang karangan
Mas Masan Alias LACCUNG..
Jadi harus Sadar harus wat khasa LIOM…
Wat FI,IL….
Sahinggo Khasa LiOM ..khasa Halok GANGGU na Lebon….
Khadu khaiyaaaa.
tuttop ni Pelaju ko khuppok
Kena Bekhilot
Kena Kemit
Kena Upok
kena battahan
kena sesiop kena sesiah
khuppok Mekkah ku ikhung ,palas Nyukil Kakellang
Akhirna Nyani Kelioman Bah ni ALAM…
na khadu khaiya kik
babbu so.. mak latap
WAHAM na gawoh sai latap.
ibarat hiting himbukh kidang khappa haga mejadi . kik sai titegakonna yaddo ….yaddo ..benang basoh … negakko benang basah…
Akhir na Apiiiii. ??
Akhirna TEDAYA…..

Tinggalkan Balasan

Alamat email Anda tidak akan dipublikasikan. Ruas yang wajib ditandai *